Бұл бөлімде Kaspersky Security Center құрамдастарын орнату тәсілі сипатталған. Бағдарламаны тек бір құрылғыға жергілікті түрде орнатқыңыз келсе, орнатудың екі нұсқасы қолжетімді:
Стандартты. Kaspersky Security Center бағдарламасымен танысқыңыз келсе, мысалы, оның жұмысын ұйымыңыздың желісінің шағын бөлігінде сынағыңыз келсе, осы нұсқа ұсынылады. Стандартты орнату кезінде сіз тек дерекқор параметрлерін конфигурациялайсыз. Сондай-ақ, сіз тек "Лаборатория Касперского" бағдарламалары үшін әдепкі бойынша орнатылған басқару плагиндерінің жиынтығын ғана орната аласыз. Kaspersky Security Center бағдарламасымен жұмыс істеп көрсеңіз және стандартты орнатудан кейін сізге қажетті барлық параметрлерді қалай конфигурациялау керектігін білсеңіз, стандартты орнатуды пайдалана аласыз.
Таңдаулы. Kaspersky Security Center параметрлерін, мысалы, ортақ қатынасы бар қалтаға апаратын жолды, есептік жазбаларды және Басқару серверіне қосылу порттары және дерекқор параметрлерін конфигурациялауды жоспарласаңыз, онда осы нұсқа ұсынылады. Таңдаулы орнату, "Лаборатория Касперского" бағдарламаларын басқару плагиндерінің қайсысы орнатылатынын көрсетуге мүмкіндік береді. Қажет болса, сіз таңдаулы орнатуды тыныш режимде іске қоса аласыз.
Желіде кем дегенде бір Басқару сервері орнатылған болса, желінің басқа құрылғыларындағы Серверлерді күштеп орнату әдісімен қашықтан орнату тапсырмасы арқылы орнатуға болады. Бағдарламаны қашықтан орнату тапсырмасын жасау кезінде Басқару серверінің орнату пакетін пайдалану қажет: ksc_<нұсқа_нөмірі>.<жинақ нөмірі>_full_<локализация тілі>.exe.
Kaspersky Security Center бағдарламасының барлық функцияларының жұмыс істеуіне қажетті барлық құрамдастарды орнатқыңыз келсе немесе осы құрамдастардың қолданыстағы нұсқаларын жаңартқыңыз келсе, осы пакетті қолданыңыз.